Partia Demokratike, nëpërmjet nënkryetarit Edmond Spaho kërkon arrestimin pa vonesa të kreut të Bashkisë së Durrësit, Vangjush Dako lidhur me përgjimet me bandën e Avdylajve. Spaho tha se, “deri tani janë publikuar vetëm 3 përgjime, që janë maja e ajsbergut e provave se Vangjush Dako e qeveris Durrësin me bandat më të rrezikshme, njësoj si Edi Rama qeveris vendin me krimin e organizuar”.

Nënkryetari i PD përsëriti edhe një herë kërkesën që artikulohet nga selia blu prej dy javësh: “Vangjush Dako duhet të arrestohet pa vonesë. Çdo ditë në liri ai shkatërron prova dhe manipulon dëshmitarët, i ndihmuar plotësisht nga kryeministri i vendit Edi Rama”.