Artisti shumë i dashur nga publiku, Gjesti po promovon EP-në “Sir”, të realizuar në bashkëpunim me Gimbon, ndërsa paralelisht po punon edhe për disa projekte të reja muzikore.

Gjatë intervistës në ”Goca dhe Gra”, ai zbuloi se një nga bashkëpunimet më të shumëpritura do të jetë ai me Dhurata Dorën. Sipas tij, kënga pritet të publikohet së shpejti dhe po punohet me shumë kujdes që të sjellë një frymë ndryshe për publikun.

Në fund, Gjesti foli me shumë vlerësim për Dhurata Dorën, duke e cilësuar si një vajzë shumë të mirë. Kujtojmë që bashkëpunimi mes tyre ishte përfolur edhe gjatë verës së kaluar, ndërsa tani duket se projekti është drejt finalizimit.