Në mbledhjen e sotme të grupit parlamentar të PS, deputetët janë shprehur se Parlamenti edhe pa opozitën është i ligjshëm dhe mund të vijojë punën normalisht. Për këtë qëndrim të socialistëve, ka reaguar deputeti i LSI-së, Edmond Panariti. “Parlamenti është i ligjshëm edhe pa opozitën, thotë maxhoranca.Po patjeter, sigurisht ashtu si thoni ju është! Sepse sipas këtij arsyetimi, të ligjshëm ishin edhe Stalini, Enveri dhe Hitleri. Shtypën, vranë dhe prenë me ligj dhe në emër të tij. Madje, ky i fundit e dogji e fare parlamentin. Jeni të "ligjshëm" sepse akoma nuk e keni kuptuar apo nuk doni ta kuptoni, që jemi në shtetin e të drejtës dhe jo të ligjit. Në shtetin, ku liria dhe e drejta e individit është e shenjtë dhe qëndron mbi të gjitha”, ka shkruar ai.
4 May 2024 
