INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Nuk ndalet Trump: Shtojmë armët bërthamore, kërcënim për këdo

Nuk ndalet Trump: Shtojmë armët bërthamore, kërcënim për këdo

Publikuar më: 11:33 23-10-2018

Duket se presidenti Donald Trump është i vendosur në qëndrimet e tij sa i përket armëve bërthamore ndonëse po shkakton tensione me superfuqi të tilla si Rusia apo Kina.

Në Uashington, presidenti amerikan Donald Trump përsëriti sërish shqetësimin e tij rreth traktatit për armët bërthamore me Rusinë, të cilin ka premtuar ta “hedhë në kosh” dhe tha se Shtetet e Bashkuara do të ndërtojnë arsenalin e tyre bërthamor.

“Rusia nuk i është përmbajtur marrëveshjes. … Ne kemi më shumë para se çdokush tjetër, deri tani. Ne do ta ndërtojmë atë”, u tha ai gazetarëve në Shtëpinë e Bardhë.

I pyetur nëse ky ishte një kërcënim për Presidentin rus Vladimir Putin, Trump tha: “Është një kërcënim për këdo që të doni.Përfshin Kinën, përfshin Rusinë dhe përfshin të gjithë ata që duan të luajnë këtë lojë” theksoi ai.

Rënia e këtij pakti mund të rrisë mundësinë e një gare të re armatimesh dhe Gorbaçovi, tani 87 vjeç, ka paralajmëruar se zgjidhja e saj mund të ketë pasoja katastrofike.

Article Logic
Execution time: 0.009821891784668