Tuna është një prej yjeve të showbizz-it të cilës ja ndjejmë mungesën në tregun muzikor. Këngëtarja e cila ka sjellë disa prej hiteve me të cilat kemi kërcyer e kënduar prej kohësh nuk ka publikuar ndonjë projekt të ri muzikor.

Së fundmi Tunën e kemi parë të angazhuar me projekte humanitare për fëmijët në nevojë. Tuna i është bashkuar një organizate zvicerane qe quajtur “For Children Smile” ( Për buzëqeshjen e Fëmijëve) dhe nuk mund të bëjmë gjë tjetër veçse ta përgëzojmë këngëtaren për këtë nismë, por megjithatë ajo duket se nuk ka lënë pas as karrierën e saj artistike.

Në profilin e saj në Instagram, Tuna na ka “ngacmuar” disi me një postim ku tregon se ka bashkuar forcat me reperin e ri Bardhi duke shkruar “Hommie tu e mbyt lojën”.