Një oficer policie në Angli i cili u kishte kërkuar zyrtarëve të tij leje me pretendimin se ishte sëmurë, u filmua nga një televizion ndërsa ndiqte një garë me kuaj. Jonathan Adams kishte marrë disa ditë leje por u kap mat nga kamerat e Channel 4. Adams ishte ngazëllyer nga fitorja e kalit që kishte përzgjedhur e për këtë ai po grushtonte ajrin duke u hedhur përpjetë nga gëzimi. Por kur shefat e tij panë pamjet polici u shkarkua menjëherë nga detyra. Kur u konfirmua se në tre rastet që kishte marrë leje në 9 muajt e fundit duke u hequr si i sëmurë, ai kishte qenë në duke ndjekur gara me kuaj Adams tha se kalërimi ishte "terapeutik" dhe një "mekanizëm përballues". Jonathan Adams doli përpara komisionit disiplinor në selinë e policisë së Gloucestershire duke mohuar sjelljen e keqe të tij, ndërsa shtoi se ishte vërtet i sëmurë. Ai tha se kishte shkuar në garën me kuaj si terapi për stresin, migrenën dhe sindromën e zorrëve të “nervozuara”. Një gjykatë që dëgjoi rastin për dy ditë, vendosi ta shkarkonte policin pasi pretendimet e tij për shkuarjen në garën me kuaj nuk ishin në përputhje me simptomat e supozuara.