INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Meta shpreh respekt dhe mirënjohje për mësuesit e pedagogët

Meta shpreh respekt dhe mirënjohje për mësuesit e pedagogët

Publikuar më: 10:11 07-03-2019

Sot urimi i parë për Ditën e Mësuesve e ka bërë Presidenti i Republikës, Ilir Meta. Ai u ka shprehur mësuesve dhe pedagogëve respekt dhe mirënjohje. "Të dashur mësues, pedagogë e profesorë shqiptarë: Gëzuar nga zemra 7 Marsin, Ditën e Mësuesit! Nderim përjetë, respekt dhe mirënjohje ndaj veprës tuaj të ndritur dhe suksese në misionin fisnik të përçimit të dijes dhe vlerave qytetare e atdhetare!", shkruan Meta.

Më 7 Mars të vitit 1887 në Korçë u hap mësonjëtorja e parë shqipe. Mësues dhe drejtor i parë i saj ishte Pandeli Sotiri.
Veç tjerash kjo ngjarje ishte një fitore e madhe për popullin shqiptar, pasi deri atëherë dhënia e mësimeve për shkak të pushtimit osman bëhej privatisht brenda shtëpive në mënyrë të fshehtë.
Kështu, që nga ajo ditë, 7 marsi festohet në Shqipëri si dita e mësuesit për të përkujtuar atë ngjarje të rëndësishme kulturore dhe historike.

 

Article Logic
Execution time: 0.0033252239227295