E kemi parë të luajë në serialet e famshme si “Kosem” apo “Molla e ndaluar”, por për aktoren turke problemet nuk ndalen.

Bëhet fjalë për yllin turk, Aygun Aydin, e cila pas ofendimeve që bëri ndaj ish-partnerit të saj biznesmenit Hakan Sabanci si fillim u dënua me 3 ditë burg, por nuk ka mbetur me kaq.

Ditën e sotme mediat në Turqi kanë raportuar se dënimi i saj është shtuar me 15 ditë burg, kjo për arsyen se ofendimet vazhduan në rrjete sociale.

Aktorja 26-vjeçare nuk ka duruar dot fare të mosshpërthene dhe çfarë nuk tha kundër ish-it të saj, madje duke bërë akuza mjaft të rënda dhe ka përdorur fjalor aspak të përshtatshëm.

“Nuk vdes derisa të të shkatërroj. Zoti të dënoftë”, u shpreh aktorja turke duke zbuluar se biznesmeni Sabinci e la shtatzënë, por sipas saj ai nuk mori përsipër të kujdesej për fëmijën.