Shkarkimi i Jose Mourinho e ka përfshirë të gjithë Anglinë në një valë opinionesh të ndryshme në lidhje me vendimin e drejtuesve të klubit.
Disa mendojnë se shkarkimi ishte i drejtë, disa të tjerë jo, pasi Mourinhos nuk iu plotësua asnjë kusht gjatë merkatos së verës.
Së fundmi ka folur edhe trajneri i Liverpool, Jurgen Klopp dhe rivali i tij i fundit. Ai ka bërë shumë komplimenta për portugezin dhe e ka vlerësuar atë në maksimum:
“Ai është një djalë shumë konkurrues dhe ambicioz, jashtëzakonisht i suksesshëm dhe mund ta imagjinoj se në muajt e fundit nuk kanë qenë aspak të mira veçanërisht për të. Asnjë nuk mund t’ia heq meritat e gjithçkaje që ka fituar. Ai është një trajner i jashtëzakonshëm.”