Moderatorja e njohur, Marina Vjollca, postoi një ditë më parë fotot me barkun e rrumbullakosur. Në këtë mënyrë ajo konfirmoi fjalët që thuheshin prej disa ditësh që është shtatzënë. Marina postoi fotot e para me barkun e rrumbullakosur, duke treguar se shumë shpejt do të bëhet nënë për herë të parë.

“Jam e bekuar, faleminderit Zot për gjithçka”, shkruan Marina përkrah fotove të saj.

Pasi ajo ndau lajmin e bukur me të gjithë fansat e saj, të shumta ishin urimet. Por më e lumtura për ardhjen në jetë të bebushit të Marinës, është pikërisht motra e saj Luana.

Moderatorja e dashur për publikun shpërndau në “Instastory” foton e motrës së saj me barkun e rrumbullakosur, teksa shkroi krahas postimit “Mezi pres ta takoj”.