Një gjyshe 54-vjeçare australiane udhëtoi në Kinë në vitin 2014 me shpresën për të takuar të dashurin e saj, një burrë me të cilin ajo kishte krijuar njohje online vite më parë. I dashuri i saj pretendonte se ishte Kapiteni Daniel Smith, një anëtar i forcave amerikane. Ajo tha se kishte rënë marrëzisht në dashuri me të, dhe fluturoi në Shangai për ta parë atë më në fund personalisht. Ai kurrë nuk u shfaq në takim. Kur po largohej nga Shangai, Maria Elvira Pinto Exposto u kontaktua nga një i huaj, i cili i dha një çantë shpine për ta çuar në Melburn, duke i thëne se brenda saj ndodheshin rrobat e të dashurit të saj. Ajo tha po. Pastaj, duke ndryshuar fluturimet në Aeroportin Ndërkombëtar të Kuala Lumpurit, Malajzi, ajo gabimisht shkoi përmes portës së kalimit të emigracionit. Exposto dorëzoi vullnetarisht çantat e saj për kryerjen e kontrollit doganor. Dhe kështu ndodhi që oficerët zbuluan një ndarje të fshehtë të thurur në çantën e shpinës që mbante 1.1 kg kristal metali. Raport konfirmoi se substanca e gjetur në çantën e saj ishte metamfetaminë kristal. 54-vjeçarja u arrestua, në 7 dhjetor të vitit 2014. Dhjetorin e kaluar, Exposto u pastrua nga akuzat. “Ishte një kthesë e rrallë e fatit në vendin me shumicë muslimane, ku qindra njerëz janë dënuar me vdekje në vitet e fundit për trafik droge” thanë zyrtarët për AFP. Pas lirimit, ajo qau dhe përqafoi djalin e saj. "Jam e lumtur tani që jam e lirë," tha Exposto në atë kohë. Por prokurorët treguan se donin të apelonin vendimin për lirimin, dhe i komunikuan australianes se nuk mund të kthehej në shtëpi në Sydney, te tre nipërit e saj, pasi ende ekzistonte mundësia që ajo të përballej me dënimin me vdekje. AFP raporton se të enjten, vendimi u përmbys dhe Exposto u dënua me vdekje. Gjykata e Apelit përmbysi vendimin për lirimin e australianes dhe e gjeti atë fajtore për trafikun e drogës. Avokati i 54-vjeçares, Muhammad Shafee Abdullah, e konsideroi vendimin të padrejtë dhe tha se do ta apelojë çështjen në gjykatën e Lartë të Malajzisë.