Pas përfundimit të takimit të kryeministrit Edi Rama dhe Presidentit Ilir Meta, ka ardhur deklarata e parë zyrtare nga kryeministria.
“Me kërkesë të tij, Kryeministri u takua me Presidentin e Republikës, për të diskutuar rreth përmbajtjes së letrës së këtij të fundit mbi propozimin për dekretimin e Gjeneral Sandër Lleshit si Ministër i Brendshëm. Bashkëbisedimi ishte i hapur e konstruktiv dhe kryeministri do të vijojë komunikimin me Presidentin e Republikës,” thuhet nga burime zyrtare të kryeministrisë.
Takimi zgjati rreth 90 minuta dhe erdhi si pasojë e kërkesës nga Rama, një ditë pas refuzimit të dekretimit të Sandër Lleshit si ministër i Brendshëm nga Meta.
4 May 2024 
