Krijohet byzylyku elektronik që parashikon sesi do të jetë një ditë më pas gjendja shpirtërore e personave që vuajnë nga çrregullimet e humorit. Psikiatrit dhe psikologët, por edhe kompanitë amerikane po i gëzohen faktit se mjetet elektronike dhe algoritmet mund të zbulojnë gjendjen mendore të një individi duke parashikuar prirjet e tyre afat-shkurtra. Byzylyku parashikon rënien e gjendjes shpirtërore te ata që janë në rrezik. Psikologu Matthew Nock i Universitetit të Harvardit në Kembrixh Masaçusets ka zhvilluar një byzylyk elektronik i cili, i kombinuar me një aplikacion në celular, zbulon parametrat që parashikojnë kur një pacient që vuan nga një çrregullim po i afrohet një rreziku në rritje të vetëvrasjes. Studimi, në progres është duke u kryer në bashkëpunim me një inxhiniere kompjuteri Rosalind Picard e cila ka eksperimentuar sistemin e qindra nxënësve, duke qenë në gjendje të parashikojë ndryshime të rëndësishme në disponimin e tyre. Parashikimi i humorit nga pajisja elektronike është realizuar nga zbulimin parametrave të ndryshme biologjike, të tilla si lëvizjet e trupit, ekspozimi ndaj dritës, cilësia e gjumit, niveli i interaktivitetit shoqëror, aktivitet fizik. “Qëllimi është të arrish që të trajtosh sistemin në mënyrë që të parashikohet gjithmonë e keqja më e madhe”-thotë Picard.  Mundet që këto sisteme së shpejti të bëhen të disponueshme përtej fushës së kërkimit, dhe pastaj të diskutohet për implikimet e tyre psikologjike dhe etike. Ekspertët thonë se duhet treguar kujdes për sa i përket besueshmërisë, dhe rreziqeve të mundshme që lidhen me këto teknologji të reja, edhe pse janë premtuese.