Fitorja e djeshme 4-0 kundër Azerbajxhanit e kombëtares së “Dardanëve”, mjaftoi që ata ta mbyllnin grupin në vendin e parë.

Me këtë triumf, Kosova ngjitet në League-n C të Nations League dhe bëhet pjesë e play-off për “Euro 2020”.

Kosova do ta masë forcat me tre ekipet e tjera Maqedoninë, Gjeorgjinë dhe Bjellorusinë për një biletë në Euro 2020 gjithmonë nëse asnjëra prej këtyre përfaqësueseve nuk kualifikohet në evropianin e ardhshëm nëpërmjet eliminatoreve.

Mediat ndërkombëtare gjithashtu i kanë kushtuar shumë vëmendje historisë së ekipit më të ri të krijuar në botë dhe arritjen e tij historike.