Olti Curri është një nga personazhet më të njohur në shoëbizin shqiptar i cili ka miqësi me shumë Vip-a, por është shumë i drejtpërdrejtë dhe kur diçka nuk i pëlqen e thotë publikisht pa hezitimin më të vogël.

Ai shpesh herë i ngacmon “Vip-at” në rrjetet sociale dhe sërish “viktima” e rradhës është sërish Luana. Ju kujtohet foto e famshme e Luanës teksa lexonte me librin për së prapthi? Olti e ka ngacmuar sërish, por këtë herë nëpërmjet një fotoje të Ledrit. Reperi i njohur ka publikuar një foto në Instagram ku shfaqet duke lexuar gjatë pushimeve dhe Olti tregon respekt për të sepse kishte kohë pa parë një këngëtar duke lexuar që nga koha e Luanës kur lexonte me librin për së prapthi.

Obobo sa të mprehtë i ka thumbat Olti! Edhe Ledrit duhet t’i ketë djegur pak pasi thotë “Respekte edhe për dizajnerin që ka sygjeruar librin, sepse ngjyrat e kopertinës rrinë shumë bukur në foto”, duke nënkuptuar se mesa duket se libri është “sa për foto”.