Reperi i njohur Fero po përjeton një nga momentet më të rëndësishme të jetës së tij, duke u bërë baba për herë të dytë. Lajmi është mbajtur larg syrit të publikut, pasi artisti ka zgjedhur diskrecion të plotë për këtë periudhë kaq personale.

Sipas burimeve të “Prive”, Fero dhe partnerja e tij, e njohur si Nita dhe jashtë botës së showbiz-it, kanë mirëpritur në jetë fëmijën e tyre. Kohët e fundit, mungesa e tyre në rrjetet sociale kishte ngritur dyshime për një ndarje, por në të vërtetë çifti ka qenë duke përjetuar në heshtje një moment të veçantë si ardhja e bebit.

Kujtojmë se nga martesa me modelen Arbenita Ismajli, reperi është baba i një vajze, Ninës. Tashmë, familja e tij është zgjeruar, duke shënuar një tjetër hap të rëndësishëm në jetën personale.

Ndërkohë, në aspektin profesional, Fero ka zgjedhur të jetë më i hapur me ndjekësit. Përmes një postimi në InstaStory, ai ka rrëfyer sfidat e vitit të fundit, duke përmendur lodhjen, angazhimet intensive dhe përballjet me çështje ligjore si arsye të mungesës së projekteve muzikore.

Megjithatë, artisti ka dhënë lajme të mira për fansat, duke paralajmëruar një rikthim të fuqishëm. Ai ka bërë të ditur se do të ndjekë një strategji të re, me plane për të publikuar një këngë çdo dy javë. Me një jetë familjare të pasuruar dhe projekte të reja në horizont, Fero pritet të hyjë në një fazë të re të rëndësishme të karrierës së tij.