Elgit Doda dhe Klea Huta janë një ndër çiftet më simpatikë në showbizzin shqiptar dhe shumë të dashur për publikun. Romanca e tyre është me të vërtetë e bukur dhe kohët e fundit kemi mësuar shumë detaje për çiftin, detaje të cilat nuk i dinim më parë.

E ftuar së fundmi në emisionin "Thumb", ndër të tjera moderatorja ka rrëfyer se cili është vesi më i keq i Elgitit, të cilin ajo nuk e duron dot. Klea ka treguar se Elgiti të jep fjalën për diçka që në fund nuk e bën, siç ka lënë pezull projektin e tyre.

“Gjëja që më acaron më së shumti tek Elgiti, të jep fjalën për diçka:”Po ta bëj ç’ke”. Unë i them po kur do e bësh se s’ke kohë. “Jo do ta bëj”- thotë dhe nuk e bën, bëhet fjalë për një këngë që kemi dy vjet që e kemi projektuar për ta nxjerrë. Ngaqë e ka dëgjuar për dy vjet rradhazi i është mërzitur."- ka treguar ajo.