Ledri është një ndër reperat më të mirë shqiptarë dhe shumë i dashur nga publiku, sidomos nga femrat. Çdo këngë e tij është kthyer në hit dhe këtë e vërteton më së miri popullariteti i tij apo klikimet në YouTube. Ai gjithashtu është një ndër artistët më të kërkuar gjatë muajit të verës dhe kjo duket fare qartë nga koncertet e shumta që ka zhvilluar, por mbrëmjen e kaluar e bëri pushim sepse festonte ditëlindjen miku i tij, Ermal Fejzullahu.

Mirëpo Ledri nuk ishte vetëm në këtë festë pasi ishte i shoqëruar nga e dashura e tij Sara e cila duket mjaft elegante e veshur me një fustan të zi pas trupit. Sara jeton në Gjermani dhe është mbesa e Telat Agollit, kampionit kombëtar në peshëngritje.

Ajo besohet se është njohur me Ledrin në një prej udhëtimeve të tij të shumta në Gjermani, dhe prej muajsh tashmë vijojnë ta mbajnë diskrete lidhjen e tyre.