Federata Shqiptare e Futbollit ka hedhur në gjyq qeverinë shqiptare. Shkak është bërë “Arena Kombëtare”, ku sipas ligjit Komisioni i Apelit në Ministrinë e Ekonomisë duhet të rimbursojë TVSH-në për pjesën e investimit të kryer nga federata shqiptare e futbollit.

Si pasojë mungojnë 2 mln euro, të cilat ndikojnë në përfundimin e punimeve në stadium.

Duka lançonte projektin në vitin 2016 të stadiumit të ri “Arena Kombëtare” dhe data e caktuar për përfundimin e punimeve ishte viti 2018, por këto pengesa të reja mund t’i zgjasin punimet edhe për shumë kohë.

Me shumë të ngjarë, kombëtarja nuk do ketë mundësinë t’i luajë dy ndeshjet e para të kualifikueseve të Evropianit 2020.