“Unë kam humbur gjithçka, ne jemi shkatërruar”, kanë janë fjalët e Landi Lalës, i cili në tërmetin e 26 nentorit humbi vajzën e tij 4-vjeç dhe nënën 77-vjeç. I kthyer nga emigracioni për t’i përcjellë në banesën e fundit, Landi Lala ka shkuar në vendin ku vajza u nxor e pajetë. Aty nuk gjeti vajzën e tij, por disa sende personale të saj, një xhup dhe librat e vogëlushes. Arjela, vetëm 4-vjeç kishte shkuar tek gjyshja për të kaluar disa ditë pushime. Familja Lala ka hapur dyert e mortit, për të përcjellë më pas në banesën e fundit anëtarët e saj.