Pas zhvillimeve të fundit dhe tensioneve që kanë përfshirë ish-banorët e “Big Brother VIP Albania 5”, një tjetër reagim i fortë ka ardhur nga Edisa Demollari, kësaj here i drejtuar ndaj motrës së Mateos.
Përmes një postimi në rrjetet sociale, Edisa ka lënë të kuptohet se mes tyre ekzistojnë hatërmbetje të vjetra, duke i bërë publike për herë të parë.
Ajo është shprehur me tone ironike dhe provokuese, duke deklaruar se nuk ishte në dijeni të qëndrimeve që, sipas saj, kanë qenë të vazhdueshme nga ana e motrës së Mateos.
Në mesazhet e publikuara, Edisa i drejtohet ashpër Keisit, duke i thënë:
“O Kejsi po tani e mora vesh unë që paske qenë dashnorja ish-të fejuarit tim… Ti e paske personale o shpirt”, ndërsa më tej shton me tone ironike dhe provokuese se situata kërkon “guxim” për t’u përballur.
Nga ana tjetër, Keisi duket se i mohon kategorikisht akuzat, duke u shprehur:
“Unë s’e njoh fare njeriun… s’më rri mendja fare te burrat”, ndërsa e cilëson situatën si qesharake dhe i kërkon Edisës kujdes në mënyrën si flet.
Paralelisht me publikimin e këtyre bisedave, Edisa ka reaguar edhe publikisht me një postim ku lë të kuptohet se mes tyre ka pasur hatërmbetje të vjetra:
“Tani e mora vesh që paska inate të vjetra me mua. Chill baby girl, se unë as nuk e dija që ti i qeke vardisur kaq shumë ish-të fejuarit tim”.
Ky zhvillim ka ndezur menjëherë rrjetin, duke tërhequr reagime të shumta nga ndjekësit, ndërsa konflikti tashmë ka kaluar nga deklaratat indirekte në publikim të drejtpërdrejtë të bisedave.
Deri më tani, nuk ka një reagim tjetër zyrtar nga motra e Mateos përtej mesazheve të publikuara, ndërsa mbetet për t’u parë nëse kjo përplasje do të përshkallëzohet më tej.
14 Apr 2026 
