Brooklyn Bekcham dhe Chloe Moretz ishin vënë re më parë duke shëtitur në mënyrë romantike të kapur për dore, dhe tashmë duket se kanë dhënë konfirmimin zyrtar për të gjithë. Djali i futbollistit David Beckham dhe fashionistes Victoria ka postuar një foto në Instagram ku shfaqej me krahun rreth supit të aktores së “Carrie”. Fotoja në dhomën e errët me çiftin e ribashkuar tashmë nuk ka lënë më vend për dyshime. Bukuroshja 19 vjeçare ia rrëmbeu zemrën edhe një herë tjetër djaloshit Beckham. Shkrepja përballë një pasqyre nuk është shumë e qartë, por mjafton për të treguar dy pëllumbat përkrah njëri-tjetrit, me të afërt se kurrë.