Bashkia Tiranë ka hartuar Planin e  Veprimit për Barazinë  Gjinore 2018-2020, i cili pritet të diskutohet në mbledhjen e radhës së Këshillit Bashkiak. Ky plan mbulon  një sërë fushash në të cilat parashikohen  veprime që ndihmojnë në  respektimin e të drejtës  themelore të barazisë në mbështetje të kuadrit  ligjor ndërkombëtar  e kombëtar, si dhe te prioriteteve   kombëtare   dhe  vendore. Në relacionin e këtij projektvendimi thuhet se janë  bërë përpjekjet   e  saj  ndër  vite  për  ndërtimin   e  një shoqërie të mundësive të barabarta, duke  ndërmarrë një sërë hapash konkrete në këtë drejtim.

 

Në  Planin vendor, ‘Veprimi për Barazinë Gjinore 2018 – 2020’ propozohen të tjera masa e veprime që synojnë adresimin e mëtejshëm të çështjeve të pabarazive dhe diskriminimit. 

Të gjitha këto masa dhe veprime  mbështeten  në nenet përkatëse të Kartës Evropiane  për Barazi, pa lenë mënjanë edhe detyrimet  qe rrjedhin nga zbatimi i Strategjisë Kombëtare për Barazinë Gjinore 2016 –  2020 dhe Planit të saj të Veprimit.