Eventi i shpjeguar në detaje, me orë, datë, madje edhe poster, vuante mungesën e një elementi të vetëm: vërtetësinë. Burimë pranë Bashkisë Tiranë bënë me dije për intv.al se diçka e tillë nuk është aspak e vërtetë dhe se emri i institucionit është përdorur pa asnjë të drejtë apo leje nga kjo faqe e supozuar. Pasi kontrolluam dhe axhendën e grupit ikonë të muzikës rock zbuluam se banda aktualisht nuk është në një tour. I vetmi destinacion i planifikuar për ta është Nashville në Tennesee të Amerikës, ku do performojnë për tre ditë me radhë. Kështu na vjen keq t’ju zhgënjejmë, por Bon Jovin nuk do ta ndjekim dot live këtë herë.