INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Ambasadat në një zë: Protestoni në mënyrë paqësore, dialogoni...

Ambasadat në një zë: Protestoni në mënyrë paqësore, dialogoni...

Publikuar më: 17:48 13-05-2019

Teksa ka mbetur dhe pak nga nisja e protestës së opozitës ambasadat kryesore në vend, ajo e SHBA, Italisë, Gjermanisë dhe Britanisë kanë reaguar duke bërë thirrje për një tubim paqësor.

Nëpërmjet 4 deklaratave të ndryshme, mesazhi i 4 ambasadave është i njëjtë, në të theksohet se e drejta për të protestuar është një përbërës thelbësor i një demokracie të shëndetshme, por protestat duhet të jenë paqësore.

Në reagim dënohet dhuna që u zhvillua gjatë protestës së 11 majit që plagosi si policinë dhe protestuesit dhe shkaktoi dëme në pronë.

Gjithashtu u kërkohet liderëve të opozitës të dënojnë dhunën dhe të sigurojnë që protestat që ata mbajnë janë paqësore dhe të mbahen në përputhje me ligjin.

Më tej në reagimin e ambasadave dënohet kërcënimi i ambasadorit të OSBE.

Në përfundim ambasadat e SHBA-së Italisë, Britanisë dhe Gjermanisë bëjnë thirrje të gjitha palëve të hyjnë në dialog, e cila është mënyra e vetme në të cilën bllokimi i tanishëm mund të zgjidhet.

Article Logic
Execution time: 0.0040910243988037