Ish “Miss Shqipëria 2008” tanimë edhe aktore Almeda Abazi, në një intervistë ka pranuar publikisht se ka bërë një ndërhyrje estetike në hundë. "Nuk e kam problem të flas për këtë. E kam pranuar gjithmonë që kam bërë ndërhyrje estetike në hundë”- u shpreh ajo. Më pas Almeda rrrëfeu arsyet që e shtynë drejt këtij vendimi. “Nuk kam patur probleme me hundën, madje e kam patur shumë të vogël. Por kur dilja në ekran diçka ndodhte. Nga hijet apo diçka tjetër, hunda ime dukej tjetër për tjetër. Unë flisja dhe e kisha mendjen tek mënyra si dukesha dhe kjo nuk është diçka e mirë për dikë që është në ekran”. Aktorja bukuroshe shtoi se njerëzit e kanë të lehtë të gjykojnë kur të shohin në ekran, por nuk e kuptojnë që personat që dalin në televizion, janë aty pikërisht për ta dhe Almeda është e mendimit se kushdo që punon para kamerave duhet ta bëjë diçka nëse e shqetëson./intv.al/