Një aksident i rëndë është regjistruar ditën e sotme në Kukës, ku si pasojë ka humbur jetën drejtuesi i mjetit.

Viktima është identifikuar si Bekim Shehu, 35 vjeç.

Sipas informacioneve të policisë, viktima ka qenë duke udhëtuar me një mjet tip ‘Minicooper’, me targa AA 050 JV dhe shkak për aksidentin është bërë shpejtësia e madhe.

Shehu është dërguar në spital, por ka humbur jetën si pasojë e plagëve të marra.

Bekim Shehu ishte i njohur në Kukës pasi punonte si berber.