Akademikët, ndryshe nga sa ka ndodhur deri më tani, do të vendosen në një shkallë vlerësimi. Këtë e ka lajmëruar zv.ministri i Arsimit, Taulant Muka, i cili në profilin e tij në Facebook, ka njoftuar ngritjen e grupit të punës. Ai shprehet se, akademikët shqiptarë do të rankohen. Kriteri vlerësues do të jetë produkti i tyre shkencorë. “Bashkë me çunat e Ministrisë do bëjmë rankimin e akademikëve shqiptarë sipas produktit shkencor, për të evidentuar shkencëtarët shqiptarë qe jetojnë në Shqipëri. Çuna suksese me përdorimin e "R Programming"! Shumë punë ju pret përpara!”, njofton Muka, i cili më 31 tetor zëvendësoi në post Ervin Demon, ish-zv.ministër i Arsimit.