4 persona kanë humbur jetën, ndërsa janë shënuar 102 raste të reja me Covid-19 gjatë 24 orëve të fundit në vendin tonë. Shifrat vijojnë të jenë në rritje në krahasim me një ditë më parë ku u regjistruan 55 të infektuar me Covid-19.

Ministria e Shëndetësisë informon se në 24 orët e fundit janë kryer 501 testime për të dyshuar të prekur me COVID-19, nga të cilat janë konfirmuar 102 raste pozitive. Shpërndarja gjeografike e rasteve është si vijon: 67 raste në Tiranë, 5 në Shkodër, nga 4 raste në Krujë, nga 2 raste në Berat, Kavajë, Peqin, nga 1 rast në Durrës, Has, Korçë, Lezhë, Lushnjë, Vlorë, Sarandë. Gjithashtu, në 24 orët e fundit janë shëruar 50 qytetarë, duke e çuar në 2264 numrin e të shëruarve nga fillimi i epidemisë.

Ministria e Shëndetësisë dhe Mbrojtjes Sociale i bën thirrje edhe njëherë bizneseve, institucioneve, të zbatojnë me korrektësi protokollet e sigurisë në punë, të miratuara nga autoritetet shëndetësore. Ndërsa iu rikujton qytetarëve se vendosja e maskës në ambientet e mbyllura është e detyrueshme, çdo barrierë mbrojtëse, e bërë edhe në kushte shtëpie, ndihmon në kufizimin e përhapjes së infeksionit. Gjithashtu thekson se maska prej tekstili duhet të mbulojë plotësisht hundën dhe gojën gjatë gjithë kohës.

COVID-19 – Statistika (18 Korrik 2020)

Testime totale 35107

Raste pozitive 4008

Raste të shëruara 2264

Raste Aktive 1631

Humbje jete 111 (Qarku Tiranë 57, Shkodër 18, Durrës 17, Fier 5, Elbasan 5, Vlorë 3, Kukës 2, Lezhë 1, Berat 1, Dibër 1, Korçë 1)

Shpërndarja gjeografike e rasteve aktive sipas qarqeve:

Tiranë 774

Durrës 207

Shkodër 193

Vlorë 102

Lezhë 85

Kukës 50

Korçë 53

Berat 38

Elbasan 46

Fier 38

Gjirokastër 21

Dibër 24