Ata janë një ndër çiftet më simpatikë dhe shumë të dashur për publikun shqiptar. Historia e tyre e romancës nisi në television, pikërisht te “The Voice of Albania” dhe çdo ditë e më shumë na tregojnë se janë shumë të dashuruar. Venera Lumani dhe Lind Islami janë të lidhur bashkë jo vetëm nga dashuria dhe bashkëjetesa, por edhe nga pasioni për muzikën.

Mirë tashmë ata janë zyrtarisht të fejuar. Gjatë pushimeve të tyre në Barcelonë, Lindi i ka propozuar Venerës për fejesë pas 5 vitesh së bashku. Këngëtari ka publikuar një foto të duarve të tyre ku tregon unazën me diamant në gishtin e Venerës. "Përgjithmonë", shkruan ai krahas fotos ku ka marrë qindra urime.