Shumë të qeshura, e s’kishte si të ndodhte ndryshe! Sot në programin IN ‘Trokit’ moderatorët Ermal Peçi dhe Sara Gjordeni pritën në shtëpinë më të ndjekur të paraditës, aktorët Eni Jani dhe Genci Fuga. Dyshja shumë e dashur, janë bërë bashkë për shfaqjen ‘Historia e kopshtit zoologjik’. Teksa ndanin detaje nga shfaqja biseda u fokusua edhe në karrierat e tyre të suksesshme. Nuk kemi harruar as fitoren e tyre në ‘Dance with më’. Me shaka, Ermali I thotë se për çmimin monetar do të flisnin më vonë teksa Eni ndërhyn duke qeshur:

‘Lekët? Cilat lekë? (qeshin të gjithë). Ne kemi marrë lekë vetëm kur fituam kupat, 4 herë, 1 milion të vjetra për çdo rast. Për fitorën kemi vetëm kupën’ – tha Eni.

Imagjino, futesh në një garë dhe nuk do çmimin e parë, se s’spaska lekë, ti do të fitosh gjatë javëve që të marrësh lekë – tha Ermali teksa çifti shpërtheu në të qeshura. Genci e ka përgjigjen për këtë situatë:

‘Më mirë një vezë sot, se sa një pulë mot’.

A e kaloi çifti testin e dashurisë me Sarën dhe Ermalin? Një puthje LIVE finalizoi gjithçka!