INTV NEWS SHOWBIZ MAGAZINA MUSIC MOVIES FASHION SMART MED+ SPORTS VIDEOS
“Tirona Fanatics” akuza të drejtpërdrejta për presidentin Halili dhe gjendjen e financave të klubit

“Tirona Fanatics” akuza të drejtpërdrejta për presidentin Halili dhe gjendjen e financave të klubit

Publikuar më: 15:20 05-12-2018

Tifogrupi “Tirona Fanatacis” ka filluar një fushatë kundër presidentit Refik Halili duke e bërë atë fajtorin kryesor të gjendjes aktuale të ekipit të Tiranës, i cili momentalisht ndodhet në vendin e 8-të të Kategorisë dhe është në luftë për mbijetesë.

Nëpërmjet një video-je tifogrupi e ka akuzuar presidentin për evazion fiskal dhe se ai ka abuzuar me financat e ekipit, duke u përfshirë në skandalin financiar edhe FSHF-në.

Sipas tyre ekipi ende nuk ka një llogari bankare dhe nuk mund të arkëtojë as fitimet e Europa League, ndërkohë që presidenti ende nuk ka shlyrë borxhet dhe ato vetëm po shtohen.

“Kur Refik Halili mori aksionet e klubit e dinte shumë mirë që klubi ka borxhe rreth 600 mijë euro. Prej 5 vitesh ai ka paguar vetëm 150 mijë euro, janë edhe rreth 450 mijë euro që Halili nuk i paguan. I janë shtuar edhe 100 mijë euro borxhe prej rastit të Gjergji Muzakës. Prej borxheve llogaritë bankare të klubit janë bllokuar, do të thotë se presidenti paguan rroga ‘cash’ ndaj futbollistëve. Edhe të ardhurat nga FSHF nuk dihet se në cilën llogari bankare hyjnë. Nëse ministria e financave bën një kontroll të transaksioneve dalin në pah shumë akte të paligjshme që nxjerrin zbuluar edhe FSHF-në.

UEFA nuk ia ka dhënë shpërblimet KF Tiranës për pjesëmarrjen në Europa League pikërisht prej llogarisë bankare të bllokuar prej borxheve. Bashkia tiranë ka akorduar prej kohësh një fond prej 330 mijë eurosh për klubin, por ky fond ka mbetur i bllokuar për shkak se klubi nuk ka llogari bankare. Në bordin drejtues nuk ka njerëz profesionistë, por të afërm dhe miq të presidentit. Presidenti kryen evazion fiskal ndaj shtetit shqiptar, në kontrata rrogat e 70% e futbollistëve janë 4/5 herë më të vogla nga sa paguhen në realitet. Për të shmangur drejtpërdrejt taksat e shtetit, për këtë Refik Halili duhet të dënohet nga Kushtetuta e Republikës së Shqipërisë. Refik Halili ka dështuar totalisht në krijimin e një klubi serioz, duke e kthyer Tiranën në një ekip të dorës së tretë. Sa të kesh jetë, sa të marrësh frymë, do të jetë personi më i urryer”. ishte mesazhi në videon e postuar.

radio TV

Të fundit

Kryesore

    LIKE Shqip Top 10

    poll
    Article Logic
    Execution time: 0.0012381076812744
    array(1) { ["section"]=> string(103) "tirona-fanatics-akuza-te-drejtperdrejta-per-presidentin-halili-dhe-gjendjen-e-financave-te-klubit-80765" }