Peticioni tashmë është bërë mënyra parësore e fansave për të kërkuar diçka.
Nuk mbetet pas as personazhi Tony Stark, që u sakrifikua për të shpëtuar njerëzimin nga Thanos në “Avengers: Endgame”.
Në “Change.org” është shfaqur një peticion që do ta rikthejë në jetë Iron Man, deri tani me rreth 16.000 firma.
“Tony i MCU meriton të rikthehet tërësisht në jetë. Tony Stark ishte gjithnjë i gatshëm për të rrezikuar jetën, të vuante dhe sakrifikonte për këdo, pa marrë asnjë në këmbim. Nuk e meriton që ka vdekur. S’është e drejtë”. Ai është kaq i rëndësishëm. Ka shpëtuar jetët tona dhe tani është radha jonë ta shpëtojmë”, shkruhet në peticion.