INTV NEWS SHOWBIZ MAGAZINA MUSIC MOVIES FASHION SMART MED+ SPORTS VIDEOS
Ndryshimi i klimës, ekspertët japin alarmin: Kemi vetëm 20 vite kohë për të shpëtuar planetin

Ndryshimi i klimës, ekspertët japin alarmin: Kemi vetëm 20 vite kohë për të shpëtuar planetin

Publikuar më: 13:11 03-12-2018

"Duhen të paktën 20 vjet, për të shpëtuar planetin nga ndryshimet klimatike dhe efektet shkatërruese që ato do të kenë në shëndetin e njeriut dhe në territoret e vendeve". Paralajmërimi  vjen nga ekspertët e shëndetit të cilët pohojnë se vonesat në marrjen e masave konkrete për ndryshimet klimatike po rrezikojnë seriozisht të ardhmen e brezave. Të dhënat e Organizatës Botërore të Shëndetësisë flasin për rreth 7 milion vdekje të lidhura me ndryshimet klimatike.  Në një masë të pashembullt, katër ish-presidentë të bisedimeve mbi klimën e OKB-së u takuan në Poloni të dielën. Zyrtarët e lartë paralajmëruan se planeti "është në udhëkryq", ndërsa lëshuan një deklaratë duke bërë thirrje për veprim urgjent. "Veprimet që do të ndërmerren në dy vitet e ardhshme do të jenë vendimtare"-thuhet në deklaratën e tyre. Paneli Ndërqeveritar për Ndryshimin e Klimës deklaroi se emetimet e gazrave serë duhet të ulen me 45% deri në vitin 2030. Por një studim i kohëve të fundit tregoi se emetimet e dioksidit të karbonit  (CO2) janë rritur për herë të parë pas katër vitesh.  Duke folur në ceremoninë e hapjes, Antonio Guterres, Sekretari i Përgjithshëm i OKB-së, tha se ndryshimi i klimës tashmë ishte "një çështje jete dhe vdekjeje" për shumë vende. Ai shpjegoi se shumë nga vendet më përgjegjëse për ndryshimet klimatike mbetën ende prapa në përgjegjësitë e tyre dhe shtoi se bota është "nuk është aspak aty ku duhet të jetë" përsa i përket kalimit në një ekonomi me karbon të ulët. Ndërkohë, hendeku midis asaj që vendet thonë se po bëjnë dhe çfarë duhet të bëhet nuk ka qenë kurrë më i gjerë. Ndërkohë, Banka Botërore ka akorduar 200 miliardë dollarë fonde për pesë vjet për të mbështetur vendet që ndërmarrin veprime kundër ndryshimeve klimatike.

radio TV

Të fundit

Kryesore

    LIKE Shqip Top 10

    poll
    Article Logic
    Execution time: 0.00082302093505859
    array(1) { ["section"]=> string(97) "ndryshimi-i-klimes-ekspertet-japin-alarmin-kemi-vetem-20-vite-kohe-per-te-shpetuar-planetin-80552" }