Bëri bujë në mediat rozë fotoja e këngëtares shqiptare Fjolla Morina me miliardierin iranian Sasha Sobhani, ish- i dashuri i Morena Tarakut.

Këngëtarja u filmua në shoqërinë e iranianit, ndërsa më pas u aludua për një marrëdhënie të mundshme mes tyre, por Sasha ka bërë një sqarim në Instagram, ku thotë se Fjolla i ka kërkuar ta etiketojë në Instagram, dhe e quan vetëm një fanse.

Pas kësaj ka qenë këngëtarja ajo e cila ka reaguar, teksa ka publikuar një foto krah Morena Tarakut.

"Lëri të flasin. Vëllezërit para kurvave", shkruante Fjolla, por Sasha Sobhani nuk e ka lënë me kaq.

Sasha ka publikuar mesazhet e tij me Fjollën, ndërsa i kujton sërish se e ka thjesht një fanse.

"Fjolla Morina, duhet të kishe vazhduar për aktore, jo për këngëtare. Ti e di mirë që je shumë e vogël për të më quajtur mashtrues. Gjthsesi ti e di më mirë nga të gjithë se si është e vërteta. As nuk e dija kush je, as nuk më ka interesuar ta di, as nuk më intereson. Nuk bën pjesë tek gustot e mia. Je shumë plastikë, mos ji kaq shumë fallso kundrejt 'shoqeve' të tua. Këtë herë po e mbyll, një herë tjetër do të publikoj të gjitha sms dhe videot që më ke sjellë, kështu do kuptoj se sa shoqe e sinqertë je dhe sa e sinqertë je si person. Mirupafshim."- ka shkruar iraniani.