INTV NEWS SHOWBIZ MAGAZINA MUSIC MOVIES FASHION SMART MED+ SPORTS VIDEOS
Loja e rrezikshme në internet i merr jetën 14-vjeçarit. Apeli i prindërve...

Loja e rrezikshme në internet i merr jetën 14-vjeçarit. Apeli i prindërve...

Publikuar më: 14:57 14-09-2018

Më 6 shtator, një djalë 14-vjeçar, Igor Maj, u gjet i vdekur në dhomën e tij të gjumit në Milano. Ai u mbyt me një litar. Fillimisht u mendua se ishte vetëvrasja. Gjetjet në PC dhe smartphone, megjithatë, kanë nxjerrë në pah hipotezën e lojës ekstreme të përfunduar keq. Pak para se të vdiste, djali kishte parë një video të shikuar një milion herë, mbi pesë "sfidat e rrezikshme për të humbur ndjenjat pa përdorur ilaçe", duke përfshirë vetë-mbytjen. Igor, një alpinist konkurrues kishte shkuar pak si 'shumë larg në "sfidën ndërprerjes", një praktikë e cila është për të privuar ajrin për periudha gjithnjë e më të gjata deri sa të bjerë të fikët dhe pastaj të rimarrësh vetëdijen. Filmi i parë nga 14-vjeçari paraqet "sfidat" në mënyrë negative, duke nënvizuar se ato janë "shumë të rrezikshme". Në rastin e djalit prokurori i Milanos Mauro Clerici ka hapur një skedë për hetimet dhe është në pritje të rezultateve të autopsisë dhe raportit të hetuesve.
Kontrollet e kompjuterit dhe telefonit zbuluan se djali ishte i lidhur me faqet e internetit ku luhet një "ndërprerje", e cila shtyn djemtë vetëm që të privojnë veten e oksigjenit. Një lojë shumë e rrezikshme dhe gjithnjë e më e zakonshme tek të rinjtë.

foto_1.jpgFaqet web e sekuestruara
Ndërkohë, prokuroria e Milanos urdhëruar "sekuestro preventive dhe emergjente të faqeve ku janë të publikuara video, mësime dhe mesazhe" të cilat 14-vjeçari i ka shikuar përpara se të varte veten. Konfiskimi është bërë "duke urdhëruar ofruesit e shërbimeve të internetit" për të penguar dhe hequr videot që flasin për praktikën e vet-mbytjes. Po hetohet nxitja e vetëvrasjeve.
Apeli i prindërve
Prindërit e Igorit vendosën të përhapin emrin dhe fotot në mënyrë që rastet e ngjashme të mos përsëriten. "Bëni sa më shumë të jetë e mundur për tua bërë të qartë fëmijëve tuaj që ata gjithmonë mund të flasin me ju, çfarëdo budallallëku që u vjen në mendje, duke u treguar se te ju mund të mbështeten, udhëzojini duke i ndihmuar ata të kuptoj se çfarë ndodh nëse rreziqet nënvlerësohen. Ne mendojmë se e kemi bërë gjithmonë këtë me Igorin, por kjo nuk ishte e mjaftueshme. Kështu që përpiquni të bëni edhe më shumë, për shkak se te të gjithë djemtë, adoleshenca e tyre do të shoqërohet nga një ndjenjë e plotfuqishmërisë, që nëse nga njëra anë i lejon atyre të përballen me botën, nga ana tjetër mund të jetë fatale. Ky është apeli i prindërve të Igorit i publikuar në mediet sociale.

foto_3.jpgBabai i Igorit: "Ne biseduam për gjithçka, por jo për ueb-in e errët"
"Ne kishim biseduar me Igorin në lidhje me alkoolin, drogën, motorrin, hedhje të rrezikshme dhe çdo gjë ne e dinim. Por për këtë jo, ishte jashtë imagjinatës tonë," deklaroi babai i viktimës, Ramon Maj, duke komentuar në Facebook postin e një miku të familjes i cili flet për rreziqet e rrjetit të errët. "Pyeta dy atletë të vegjël 14-vjeçarë, miqtë e Igorit, dhe gjithashtu i njihnin këto" lojëra "dhe çdo gjë tjetër, e cila më çekulibroi tërësisht: Unë që në internet, për punë dhe kulturë, navigoj mijëra e mijëra orë në vit, unë isha tërësisht injorant për këtë botë të errët ", shkruan instruktori alpinist dhe anëtar i Ragni di Lecco.
Një rast tjetër
Gjatë muajit shkurt u fol për ndërprerjen kur një 14-vjeçar u gjet duke vdekur në banjë në Tivoli, në provincën e Romës, i mbytur nga kabllori i PlayStation dhe vdiq disa ditë më vonë.
Prokurorja e çështjes shkruan se "duhet kuptuar kush është prapa kësaj loje makabre dhe, mbi të gjitha, nëse ka probleme psikologjike apo nëse detyrohet të bëjë një veprim të tillë ekstrem nga dikush tjetër”.
Igor ishte pjesë e alpinistëve të Ragani di Lecco. Kishte marrë pjesë në dhjetëra gara. Në një postim në facebook të Ragani di Lecco thuhet se “kjo është dita më e trishtuar në gjithë historisë tonë. Ndoshta është lajmi më tragjik që grupi ynë ka marr ndonjëherë. Pra, shumë herë kemi prekur nga zhdukja e disa prej miqve tanë, alpinist të mëdhenj apo entuziastë të apasionuar dhe nganjëherë i thirrëm edhe Zotit tonë që na la në rrjedhën normale të jetës, por asgjë nuk është e krahasueshme me atë që filloi të na trondiste nga momenti i parë që e morëm vesh, javën e kaluar”-shkruhet në postimin e shoqatës së Alpinistëve. Më tej ata rrëfejnë sesi ajo që mendohej si një vdekje e papritur u shndërrua në një tragjedi edhe më të madhe, pasi rezultatet e hetimit treguan se Igor ishte larguar nga kjo botë si pasojë e një sfide në internet.
“Igor Maj, miku i merimangave tona, alpinist i fortë katërmbëdhjetëvjeçar, një forcë e vërtetë e natyrës, bir i një familjeje të madhe, pa e ditur askush provo Blackout, një procedurë penale (e quajnë lojë, ne ne nuk duam ta quajmë kësahtu) që sfidon mbytjen dhe që ka korrur tashmë kaq shumë viktima adoleshentë, dhe në botë”-shkruajnë alpinistët.
“Monsterat janë mes nesh, ata nuk vijnë nga larg. Le të flasim me fëmijët tanë, edhe më shumë, edhe nëse është si në rastin e Igor, le të themi kur nuk ka asgjë të çuditshme. Igor do të na mungojë, nuk mund ta imagjinoni sa shumë. Jemi të tronditur siç nuk na ka ndodhur kurrë më parë!”.

radio TV

Të fundit

Kryesore

    LIKE Shqip Top 10

    poll
    Article Logic
    Execution time: 0.0045819282531738
    array(1) { ["section"]=> string(66) "loja-e-rrezikshme-ne-internet-i-merr-jeten-14-vjecarit-apeli-71684" }