Zakonisht smartphonët që performojnë dobët kanë çmime relativisht të ulëta. Sidoqoftë ka nga ata që performojnë mirë, por që kushtojnë shumë më shumë se sa vërtetë vlejnë.
Për të gjithë ju që lexoni rregullisht faqen, emri Google Pixel nuk do t'iu sjellë kujtime shumë të mira. Pixel 2 ishte shumë problematik, sidomos me ekranin, por dhe overpriced. Pixel 3 pritet që të ketë të gjithë këto probleme, plus që do të ketë dhe një notch shumë të shpifur.
Kamera mund që të jetë e vetmja gjë që do të bëjë që një smartphone i tillë të arrijë të ketë shitje, por ama prapë ka spekulime, pasi Pixel 3 do të ketë vetëm një kamera. Imazhet e atij që paraqitet si një model final tregojnë që smartphoni do të ketë dhe një trup xhami që do të bëjë që ai të japë ndjesinë që është më premium nga sa është realisht. Performanca do të jetë më e mirë se ajo e Pixel 2, por RAM-i i njëjtë sigurisht që do bëjë blerësit e mundur që të mendohet dy herë.
Sido që Google të veprojë, ky smartphone do të ngelet një dështim.
-------------------------------------
MEQË JE KËTU
IN Smart të fton të na bashkohesh në grupin privat të Facebook ku mund të diskutojmë risitë e teknologjisë, problemet që ti mund të kesh me smartphone tënd dhe të njihemi me njëri-tjetrin në komunitetin më të madh dedikuar të apasionuarve pas teknologjisë.
21 Apr 2024 
