Naomi Campbell organizoi edhe një tjetër event bamirësie Fashion For Relief në Festivalin e Kanës, një event i mbushur plot e përplot me emrat më në zë të botës së modës. Një spektakël i shumë përvëlues me një qëllim të vetëm, mbledhjen e fondeve për fëmijët, konkretisht për lëvizjen “Save The Children”. Tufën e drejtonte bukuroshja 20 vjeçare Bella Hadid e cila dukej e pabesueshme me fustanin e saj të argjendtë që ia nxirrte në pah të brendshmet. Më pas vinte Kendall Jenner, e cila kishte kombinuar xhinset shumë të shkurtra me një prekje të vërtetë klasi, në atë që ishte një shfaqje e pazakontë. E fundit por jo më pak tërheqëse vlen të përmendet dhe e zonja e shtëpisë, që thjesht nuk pyet për vitet që kalojnë.