INTV NEWS SHOWBIZ MAGAZINA MUSIC MOVIES FASHION TECH MED+ SPORTS VIDEOS
Baste anormale, “Federbet” plas skandalin e radhës për ndeshjen miqësorë të Kombëtares

Baste anormale, “Federbet” plas skandalin e radhës për ndeshjen miqësorë të Kombëtares

Publikuar më: 18:11 14-11-2017

Kthehet hija e trukimeve për futbollin tonë dhe tashmë nuk ka të bëjë më me klubet, por me atë që është më e shenjta për tifozët tanë, fanellën kuqezi. Ka dyshime se ndeshja e sotme miqësore e Shqipërisë U-20 me bashkëmoshatarët gjeorgjianë, mund të ketë qenë e manipuluar dhe këtë e konfirmojnë edhe organizata të cilat monitorojnë fluksin e basteve sportive.
Pas sinjalizimeve të marra nga “Vip Sport” për takimin në fjalë, se nuk kishte qenë thjesht një ndeshje e zakonshme miqësore, u kontaktuan zyrtarë të FederBet. Organizata në fjalë, e cila bashkëpunon me Bashkimin Europian dhe ka monitoruar prej kohësh luhatjet e basteve ka dhënë një reagim zyrtar ekskluzivisht për “Vipsport.al”, ku thotë: –
“Jemi sinjalizuar se kjo ndeshje ka regjistruar lëvizje anormale të basteve. Në fakt, këto anomali kanë të bëjnë me përfundimin e ndeshjes me 3 apo më shumë gola”, deklaruan zyrtarisht funksionarët e FederBet, të cilët po kryejnë hetimet e tyre për rastin në fjalë.
Ndeshja u mbyll me disfatën 3-0 të Shqipërisë U-20, në një sfidë ku u humb një penallti nga kuqezinjtë në fundin e pjesës së parë, që u mbyll 1-0 për vendasit, shkruan VipSport.al Dy golat e tjerë të Gjeorgjisë U-20 erdhën në minutat 69’ dhe 73’.
Gjithashtu, Federbet, përveç reagimit zyrtar, ku konfirmon dyshimet, i ka nisur redaksisë së “Vipsport.al” edhe të gjithë luhatjet e koeficentëve, të cilët konfirmojnë se në ndeshjen midis Gjeorgjisë U-20 dhe Shqipërisë U-20 ka pasur baste anormale.
Trajneri Alban Bushi bëri një grumbullim me futbollistë, ku dominojnë nga kampionati shqiptar, për duelin miqësor ndaj Gjeorgjisë, i cili u zhvillua ditën e sotme.

Article Logic
Execution time: 0.00365591049194
array(1) { ["section"]=> string(89) "baste-anormale-federbet-plas-skandalin-e-radhes-per-ndeshjen-miqesore-te-kombetares-41944" }