Zëvendëskapiteni i Tiranës, Gentjan Muça ka kurorëzuar dashurinë me të fejuarën e tij prej vitesh në një mënyrë shumë të veçantë. Një ditë më para çifti i sapomartuar ishin në xhami, ndërsa në mbrëmje ceremonia u zhvendos në ambientet e një nga lokaleve të kryeqytetit. Pjesë e axhendës së Muçës nuk mund të mos ishte edhe stadiumi, ku qendërmbrojtësi tha “po” në një ceremoni të mbajtur para fillimit të ndeshjes kundër Skënderbeut. Portieri Edvan Bakaj ishte dëshmitar i celebrimit, së bashku me zëdhënësin e klubit bardheblu, Arbi Laçi, njëherësh i afërm i Muçës.