Sipas mediave britanike, presidenti i rrjetit social më të përdorur në botë është në krye të një organizate investitorësh amerikanë që pretendojnë të blejnë Tottenham. Dhë në tavolinë kanë vënë një nga ato ofertat që është shumë e vështirë t’i refuzosh, plot 1.1 miliardë euro. Reagimi i londinezëve ka qenë i menjëhershëm, me presidentin Joe Lewis që nuk dëshiron të shesë klubin e tij. Oferta marramendëse e grupit amerikan mbetet ende në kuadrin e fjalëve, pasi një ofertë zyrtare ende nuk është formuluar. Megjithatë, duket se edhe sikur të formulohet do të jetë shumë e vështirë pasi presidenti Lewis duket se nuk ka asnjë dëshirë për të shitur klubin në vitin e ndryshimit të stadiumit dhe me skuadrën e kualifikuar në fazën e grupeve të Champions league.