Facebook është kthyer thuajse në një monopol të mediave sociale. Sa herë që në një prej aplikacioneve të tyre del një risi, që të gjithë jemi mjaft entuziastë për ta provuar. Këtë herë, Facebook duket se po sjell një risi që na duhej shumë.

Messenger tanshmë do të tregojë shtetin nga dërgohet mesazhi. Kjo veçori e re e Messenger, vjen në një kohë kur ankesat e njerëzve dhe kritikat e mediave mbi ndikimin politik rus, ishin mjaft të egra ndaj Facebook.

Mbase në vendin tonë ne nuk shqetësohemi nga ndikimi rus, por ama, nqs dikush po bën një shaka online, apo dikush po mundohet që të mashtrojë dikë tjetër online, tani është më e lehtë për të gjykuar se me çfarë kemi të bëjmë.

Këto masa kundër mashtrimeve kanë qënë të nevojshme prej kohësh dhe më në fund po i shohim në përdorim.