Largimi i kryeopozitarit Lulzim Basha nga podiumi i improvizuar para kryeministrisë, ashtu siç ishte paralajmëruar është shoqëruar me hedhjen e vezëve dhe flakadanëve në drejtim të fasadës së ndërtesës qeveritare.

Një pjesë e manifestuesve nuk janë larguar pas thirrjes së Bashës për të shkuar para Ministrisë së Brendshme, por kanë qëndruar para kryeministrisë.

Ndërkohë në një moment të caktuar turma e protestuesve kanë nisur të shtyhen me njeri tjetrin e më tej me policinë që ishte rreshtuar para kryeministrisë, duke tentuar të çajnë kordonin e efektivëve.

Por nga ana e këtyre të fundit nuk ka pasur asnjë reagim, çka ka bërë që situata të qetësohet gradualisht dhe protestuesit të largohen drejt sheshit ‘Skënderbej’ së bashku me liderin demokrat Lulzim Basha.