Është një nga këngëtaret shqiptare, të cilën e kemi parë gjithnjë shumë të dhënë pas rrjeteve sociale dhe gjithashtu pas ndjekësve të saj. Gjatë ditës së djeshme, ajo kishte një arsye të fortë të festonte, pasi numri i saj i ndjekësve në Instagram, arriti 2 milion. Ajo e ka ndarë këtë fakt në rrjete sociale duke theksuar se është e vetmja artiste shqiptare që ka arritur një shifër të tillë ndjekësish.

Mirëpo e papritura ndodhi pasi Enca zbriti sërish në 1.9 milonë ndjekës në Instagram dhe tashmë nuk është “shqiptarja e vetme me 2 milionë ndjekës”.

Po cila është arsyeja? Me siguri është prej faktit se kompania gjigande ka fshirë një numër të madh profilesh të rreme pa bërë një lajmërim zyrtar më parë. Personazhe të njohur dhe jo vetëm kanë humbur nga profilet e tyre me miliona ndjekës e siç duket “fshesa” ka kapur edhe Encën.