Edicioni i fundit i Big Brother Albania krijoi shumë çifte, por që fatkeqësisht asnjë prej tyre nuk rezistoi sapo dolën nga aty. Një ndër ta ishin dhe Musa Zeneli me Dona Pjetrin të cilët ishin në mesin e çifteve më të pëlqyera nga publiku, por vetëm një muaj pas daljes nga shtëpia më e famshme ata u ndanë.

Dona krijoi një lidhje të re, e cila u kurorëzua në martesë në mënyrë të fshehtë.

Ish-banorja e shtëpisë së "Big Brother", Dona Pjetri, i ka habitur të gjithë ndjekësit në Instagram kur në profilin e saj ka publikuar disa foto e veshur nuse.

Ajo i lajmëronte të gjithë se ishte martuar fshehurazi dhe se dita e djeshme ishte dita më e lumtur e jetës.

"Surprizë. Gjërat më të bukura bëhen fshehurazi”.

Dita më e bukur e jetës."- shkruante Dona në fotot e publikuara, ku e kishte fshehur fytyrën e partnerit të saj. Mirëpo e gjitha kjo paska qenë një shaka pasi këto foto kanë qenë pjesë e disa xhirimeve.