Aktorja e njohur turke, Neslihan Atagul është shtruar në spital pasi gjendja e saj shëndetësore nuk ishte e mirë.

Ishte vetë aktorja që bëri me dije se vuante nga sindromën e zorrës së irrituar (koliti spastik) dhe se gjendja e saj shëndetësore nuk lejonte që ajo të vazhdonte serialin ‘Vajza e Ambasadorit’.

Ajo me anë të një postimi në rrjetet sociale ka treguar se është më mirë, por ka nevojë për një pushim.

‘Përshëndetje! Siç mund ta shihni unë jam mirë. Së pari ju falenderoj për mesazhet tuaja të mbështetjes, për dëshirat e tuaja, për vizitat, dhuratat dhe lutjet tuaja. Jeni shumë të mirë, nuk më latë vetëm. Faleminderit shumë. Unë po vazhdoj terapinë, jam më mirë, por kam nevojë për pushim,” shprehet aktorja.