Moderatori i INTv Ermal Peçi priti sot në programin ‘Trokit’ këngëtaren Enxhi Nasufi. Ajo sapo ka publikuar klipin e ri pas një pauze një vjeçare. Enxhi tha se për rikthimin e saj më shume se sa një këngë ‘wow’ dëshironte të sillte një projekt të veçantë. Po si ndihet ajo përballë kolegeve të saja, këngëve që shpesh shihen si tejet komerçale apo që brenda pak kohësh kapin çuditshëm miliona klikime?

Enxhi i tregoi Ermalit se kjo periudhe bëhet presionuese për këdo, jo vetëm për këngëtarët e rinj, ashtu siç pohoi se është e bindur që kjo fazë tranzicioni do mbaroj shpejt. Në ‘Trokit’ u rikthye debati që më së shumti ka sunduar këto ditë në Kosovë për këngët të cilat në tekste përmendin aktet seksuale, lëndët narkotike etj. A mendon Enxhi se ajo dhe kolegët e saj duhet të jenë më të përgjegjshëm me tekstet e tyre? A kanë ata ndikim të madh, sidomos tek të rinjtë? Merrni përgjigjet në videon e mëposhtme, pas minutës së 16-të.