Shumë njerëz që të hapin një biznes të tyrin punojnë fort dhe presin vite me radhë që të vijë ajo ditë. Por ky nuk është rasti i Stormi Webster, e cila ende nuk ka shkuar në çerdhe, por do të hapë markën e saj të parë të suksesshme.

Lajmin e ka dhënë vetë nëna e saj e famshme, Kylie Jenner. Miliarderja ka postuar një video në kanalin e saj në Youtube” dhe ku flet për linjën e bukurisë. Në video, Jenner dhe e ëma e saj diskutojnë për linjën e gjatë të grave sipërmarrëse në familjen e tyre, modelet që Stormi ka në jetën e saj për të ndjekur.

Në pamje shihet Stormi në zyrat e “Kylie Cosmetics”, me një tavolinë rozë e të bardhë për fëmijë, të cilën Jenner e quajti “zyra ku Stormi i kryen bizneset e saj”. Ajo shtoi: “Aktualisht ajo po lanson një markë sekrete të vogël së shpejti me të cilën kemi punuar për ca kohë”.

Nuk dihet për çfarë marke bëhet fjalë dhe sa është e përfshirë 3-vjeçarja, por gjithçka mbetet për t’u parë në vazhdim.