Dhe në fakt kanë të drejtë. Madje këtë mund ta konfirmojë më mirë supermodelja Bella Hadid, e cila teksa po realizonte një set fotografik ditën e djeshme në ambjentet e hotel Martinez në Kanë, është sulmuar nga një tufë skifterash. Mos u keqkuptoni nuk e kemi fjalën për "skifterat" e komedisë së Bes Kallakut, por shpendë të vërtetë. Këta të fundit menjëherë kanë rrëmbyer vëmendjen nga Hadid, teksa janë ulur në parvazin e ballkonit ku po realizoheshin fotot, dhe kanë filluar të lëvizin krahët në mënyrë dramatike. Sigurisht të gjithë ngjarjen Bella Hadid dhe ekipi i saj e kanë marrë me të qeshura, fundja çfarë mund t'u bësh tjetër skifterave!