Fakti që ka punuar me të dyja moderatoret ia ka bërë më të vështirë situatën Florjan Binaj. Aktori i njohur ishte i ftuar së fundmi në emsionin “Ftesë në pesë” ku pavarësisht bisedës, moderatorja Bieta Sulo, i drejtoi disa pyetje jo dhe aq të thjeshta për t'u përgjigjur.

Në njërën prej tyre ai duhet të zgjidhte mes Xhemit dhe Luanës, për "kapitenen më të mirë" nëse do të ishin në det të hapur.

Dhe pse u desh një emër, përgjigja e Binajt ishte sa diplomate aq edhe e lezetshme.

"Kushdo të jetë kapitene, unë di të them që jam marinar shumë i bindur!"

Po emri?!

"Turni i parë është Xhemi, turni dytë Luana!"- vazhdoi me shaka aktori duke vendosur të parën moderatoren e "Portokallisë" dhe të dytën, moderatoren e "Shiko kush Luan".